Kataraktanın ən müasir üsulla cərrahiyyəsi

Kataraktanın ən müasir üsulla cərrahiyyəsi

Katarakta korluq və zəif görmənin dünyada birinci səbəbidir. Mirvari Suyu kimi tanıdığımız Katarakta büllurun (lens) bulanması olub, görmə itiliyinin düşməsi və görmənin dumanlanması ilə müşayiət olunur.

Kataraktalı xəstələrin əsas şikayəti görmə kəskinliyinin azalması və bulanıq görmədir. (Xüsusən yaşlılarda)

Cərrahiyyə əməliyyatı kataraktanın ən tez müalicə yoludur. Katarakta cərrahiyyəsi günümüzdə refraktiv cərrahiyyənin ayrılmaz parçasıdır.

Kataraktanın müalicəsində “qızıl standart” olan minimal invaziv və qansız fakoemulsifikasiya üsuludur. Bu zaman ultrasəs vasitəsilə bulanıq büllur kiçik hissələrə parçalanaraq mikro dəlik vasitəsilə gözdən xaric edilir və onun yerinə süni linza implant olunur.